Të vrarët në Brezë janë Jakup Murtezani dhe Qail Sherifi nga një fshat i Shkupit

Shkup, 10 shtator 2003 (KeL) - Autoritetet e Shkupit kanë bërë të ditur dje pasdite identitetin e dy personave të vrarë gjatë aksionit të forcave ushtarake e policore maqedonase në Malësinë e Karadakut të Shkupit, përkatësisht në fshatin Brezë. Zëdhënësja e Ministrisë së Brendshme të Maqedonisë, Mirjana Kontevska ka thënë se ata janë Jakup Murtezani dhe Qail Sherifi 17-vjeçar që të dy nga fshati Hasan Beg i Shkupit. Kontevska ka shtuar se po punohet edhe në identifikimin e dy personave të plagosur, për të cilët nuk kanë pasur mundësi që të kapën nga forcat policore.